Таптыыбын

1. Сибэккилээх сыһыынан 
Үөмэр-чүөмэр үктэнэн 
Тэлээрбэхтээн иһэҕин, 
Аал лыаҕыныы көтөҕүн. 
Нарын солко хатыҥнар 
Сэлэлээхтии үүнэллэр, 
Эйиэхэҕэ эйэргээн 
Эймэҥнэһэн ылаллар. 
Суугунуур хатыҥнар 
Сипсиһэр курдуктар: 
"Таптыыбын". 

2. Кустук өҥүн арааһа 
Толбоннурар суһуоххар, 
Күн күлүмэ сөтүөлүүр 
Эйэҕэстиир хараххар. 
Ол күлүмҥэ мин көрдүм 
Ыраас санаа иэйиитин, 
Сүрэхпинэн сэрэйдим: 
Таптыыр эбит сэгэрим. 
Сүрэхтэр тэптилэр, 
Үөрүүнү туойдулар: 
"Таптыыбын!" 

3. Сииккэ түспүт аналым, 
Окко түспүт оҥоһуум, 
Арахсыспат доҕорум, 
Эн буолбуккун, көмүһүм. 
Күнүм сирин күндүтүн, 
Кэрэтин, үтүөтүн 
Эйиэхэҕэ көрөбүн, 
Эйиэхэҕэ булабын. 
Доҕоруом, эн истиий 
Сүрэҕим кистэлин: 
"Таптыыбын!".

Послушать/Cкачать эту песню

Mp3 320kbps на стороннем сайте