"Володя Матвеев"
Володя Матвеев
Владимир Матвеев, калыкыште утларак Володя Матвеев семын палыме (27 Ага 1989 ий, Юлсер кундем Отымбал ял) — марий мурызо, радиовӱдышӧ, серызе, почеламутчо, драматург, журналист. Марий Эл Радиошто 2007 ий гыч пашам ышта.
Володя Матвеев Юлсер кундем Порат ялшотан илемын Отымбал ялыште шочын-кушкын. Пӧтъял тунемме рӱдерыште кыдалаш шинчымаш дене пырля музык шинчымашым налын: баян дене шокташ тунемын. Марий кугыжаныш университетыш журналистлан тунемаш пурымек Марий Эл Радиошко пашам ышташ толын. Тидын годымак Володя шкенжым эстрада мурызо да драматург семын терга. Пелашан, 2010 ийыште Саида лӱман ӱдырым налын, 2011 ийыште Владислава ӱдыржӧ шочын, а 2013 ийыште пелашыже тудлан кокымшо йочам пӧлеклен. 2015 ийыште Володям Марий Эл Радион тӱҥ редакторжылан шогалтат.
