Әдiлет Шопен

******
Енді мен ойымнан қайтпаймын,
сол ойдың бірімін.
Сен үшін өлем деп айтпаймын,
өйткені тірімін.

Мен енді көздерім жұмамын,
Жүректер сөйлесін.
Көзіңді көзіммен ұғамын 
кейде шын

Бәрібір түсінбейді екенсің,
арманым,ардағым...
Мендегі үнсіздік?Не етесің?
Ай жұтып алғанмын

сіздегі тәкаппар ойсыздық,
апарар қай жерге..
Күтем деп айтпаймын, ой,сізді
күтпейді ол жерде

Бәрібір өледі адамдар?
өлмейді өлеңім!
Сол жаққа кетеді адамдар,
ал мен сол жақтан келемін

Қала да,қызық та, алдайды...
қалады бәрі де,бәрі де
мен сізді сүйем дей алмаймын...
Сүйемін әлі де!..

Бәрібір райыңнан қайтпайсың,
бір күні күйесің.
Сен мені "сүйем" деп айтпайсың,
өйткені:
Сүйесің.

Әдiлет Шопен

Послушать/Cкачать эту песню

Mp3 320kbps на стороннем сайте