Доҕоттор

Доҕоттор

Иннокентий Гаврильев - Лэкиэс тыл. уо. мел.

Эһиэхэҕэ элбэх тылы эппэппин
Мин үтүө доҕотторум,
Эр киһилии эркин курдук эрэнэр
Мин чулуу уолаттарым,
Эһигинниин буоллахпына
Сарсыҥҥылаах сананабын,
Дьол кыымнарын туттахпына
Үөрүүбүн үллэстэбин.

Сүүрүктэри өксөйөр да күннэрбэр
Биир сүрүнү тутуһан,
Хайалары дабайар да кэмнэргэ
Биир ыллыгы батыһан,
Очурдарга охтубакка
Ыарахантан чаҕыйбакка,
Туппут суолтан туораабакка
Олох устун айанныахха.

Уруккубун умнубатах буоламмын,
Көнө суол сирдьиттээхпин,
Инникигэ итэҕэллээх буоламмын,
Икки төгүл күүстээхпин!

Эһиэхэҕэ элбэх тылы эппэппин
Мин үтүө доҕотторум,
Эр киһилии эркин курдук эрэнэр
Мин чулуу уолаттарым,
Баҕарабын эһиэхэҕэ
Сарсыҥҥыгыт сандаарыйдын,
Мэлдьи үүнэ-сайда туруҥ,
Дьоллоох буолуҥ доҕотторум!

Уруккубун умнубатах буоламмын,
Көнө суол сирдьиттээхпин,
Инникигэ итэҕэллээх буоламмын,
Икки төгүл күүстээхпин!

Послушать/Cкачать эту песню

Mp3 320kbps на стороннем сайте