Кыыс оҕо соҕотох

Кыыс оҕо соҕотох
Сүтэрбитэ сорҕотун
Хараҕын уутунан сууйуллубат олоҕун
Эдэр эрэллэргин эдэр кыыс эргитимэ
Хараҕыҥ уутунан куотума

 Мин билэр кыыhым сотор хараҕын уутун
Кини өйдүөн баҕарбат орто дойду оҥоhуутун
Тоҕо таптал быhа сиирий кини сүрэҕин
Кыыс өссө эдэр эрээри сүтэрбитэ элбэҕи
Кини курдук, киниттэн ордук эбэтэр киниэхэ маарынныыр
Төhө баарый бу орто дойдуга? таабырын...
Итэҕэйбэт Таҥараҕа, кэпсээбитэ тоҕотун
Баара буоллар хаалларыа дуо кинини соҕотоҕун
Ол иhин хараҕын уутун тоҕор
Кинилэр эмиэ ити кыыс курдук соҕотохтор
Олорор оргууй одуулур халлааны
Сулустарга кэпсиир инникигэ былаанын
Кинини көрүстэхпинэ бэйэбиттэн ыйытабын
Тоҕо киhи аhары уларыйарый
Умуллубут кини хараҕар умайар сулуhа
Аны ити билэр кыыhым атын суолу тутуhар
Туох да кинини уларытар кыаҕа суоҕун
Кини өйдүүр, оргууй ытыыр соҕотоҕун
Уун утары көрсүhээччибит кини мичээрдиир
Олоҕун хомолтотун сымыйа мичээринэн кистиир
Олоҕун хомолтотун мичээринэн кистиир

 Кыыс оҕо соҕотох, сүтэрбитэ сорҕотун
Хараҕын уутунан сууйуллубат олоҕун
Эдэр эрэллэргин эргитимэ
Хараҕыҥ уутунан куотума, куотума

 Тоҕо кини хомойор буруйа суох эрээри
Кини курдук аан дойдуга төhө киhи баарый
Ким буруйдааҕый ордук олох оhоллоругар
Тоҕо кимэ да тииийбэт доҕотторугар
Кини миэхэ суругар суруйбута ыар кэпсээни
Кэнники кэмсинимээри,эрэйдэнимээри
Сорохтор олохторун кыччаталлар бэйэлэрэ
Аччаталлар эрэйдэрин, бу дойдуттан тэйэллэрэ
Оннук дьону өйдүүллэрэ өйүүллэрэ көстүбэтэ
Ити кыыс итилэр кэккэлэригэр киирсибэтэ
Кини өйдүөн баҕарбат орто дойду оҥоhуутун
Мин билэр кыыhым сотор хараҕын уутун

Послушать/Cкачать эту песню

Mp3 320kbps на стороннем сайте